Proclamatie

2025-2026

Prins Marcel II & Adjudant Michel

Manleu, vrouwleu, jongs en wichter, gewt let en waart oe.

Wie Prins Marcel II en Adjudant Michel van Bookel, Twekkel, Eul, Ossel tot Beckum antoo, wrievt oe de volgende proclamatie vuur de dörstige köppe en doot oe bod.

1.  Wi-j hoopt dat café de Buren ‘t stralende middelpeunt blef veur de Soaltkloet’ns en veur oons doarp.

2. De pries veur een pilske nog te betaal’n blif veur de normale leu.

3. oa’w met mekare hoop’n dat wi-j in dizze gloepens spann’nde  tied’n toch deur iene deure könt bliem’n goan, um met de weure van de healige Marcellinus te sprekk’n.

4. Wi-j goat d’r van uut dat ok dit joar de Boekelopers tiedens de optocht heur beste bienties veurzet.

5. Wi-j verwocht van oonze wethoalder dat de “Natuurlijke Spelen” in oonze wieke weer vanni-js terugge komt in heur volle glorie!

6. Dat de verkeersumstandigheed’n in en roondumme Bookel toch eandelijk weer normaal wördt.

7. ⁠Wi-j hoopt dat de plaatselijke healige Sint Nicolaas noa joar’n van onmeunig hard pokkel’n noe kan goan geniet’n van zien AOW’tje dat hum zo toeverdan warkelijk wel tookomt of niet dan.

8. Noa al dat gedoo met PFAS bi-j de Bleekeri-je hoopt wi-j dat d’r gien ni-je liek’n uut de kaste komt.

9. ⁠Dat ‘t jonkvolk zich met alleman blef ansluut’n bi-j ‘t Bookelse Jeugdcarnaval! Hoo meer hoo lever!!!

10. Wi-j hoopt dat de Hoftapper met allerbassend völle plezeer al oonze feestelijkheden heel vloeibaar maakt.

11. As dat wiej al te hoop, kearls,vrouwleu,jongs en wichter onmeunig völle wille hemn zölt en oewn dös doot ter ere van Bookel, Twekkel, Ossel tot Beckum antoo en dat alns onder oonzn liefsprök:

” ’t Löp zo-as‘t löp, saam’n maakt wiej d’r ‘n spektakel van!”